Shoferi 48vjeçari, Shpërim Mema është arrestuar në Tiranë ditën e sotme pasi ka tentuar të korruptojë një punonjës të policisë.
Burimet e policisë bëjnë me dije së Mema është arrestuar në flagrancë teksa po përpiqej të korruptonte punonjësin. Ai ishte ndaluar nga blutë e qytetin pasi po transportonte fëmijët e një shkollë 9 vjeçarë pa rrip sigurimi.
Njoftimi i policisë:
“Arrestimi i këtij shtetasi u bë pasi në rrugën e “Elbasanit”, duke udhëtuar me mjetin tip “Mercedes Benz”, me targë AB 709 T, i ka ofruar 2.000 lekë punonjësit të policisë së qarkullimit rrugor për ta falur për shkeljen e bërë, për drejtim mjeti me pasagjerë nën moshë, nxënës të një shkolle 9 vjeçare, të pa siguruar me rrip sigurimi.
Materialet i kaluan Prokurorisë pranë Gjykatës së Shkallës së Parë Tiranë për veprën penale “Korrupsion aktiv i personave që ushtrojnë funksione publike”, parashikuar nga nenet 244 të Kodit Penal.
