Bota

VIDEO/Talebanët presin muskujt e fshatarëve, pushkatojnë shefin e policisë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:52 - 20/08/21 |
Opi Nion

Skena terrori dhe frike vijnë nga rrugët e Afganistanit pasi talebanët kanë marrë sundimin e vendit.

Ata kanë premtuar se do respektojnë lirinë dhe barazinë, por veprimet e tyre kanë treguar të kundërtën.

Grupi i të drejtave të njeriut, Amnesty International, zbuloi se luftëtarët talebanë masakruan nëntë burra pasi morën nën kontroll provincën Ghazni muajin e kaluar.

Gjashtë burra u qëlluan dhe tre u torturuan për vdekje, duke përfshirë një burrë që u mbyt me shallin e tij dhe iu prenë muskujt e krahut. Kjo ngjarje u zhvillua midis 4-6 korrikut në fshatin Mundarakht.

Pavarësisht nga pretendimet e organizatës se nuk do të kërkonte hakmarrje ndaj atyre që luftuan kundër tyre, një shef policie rajonal u ekzekutua me gjakftohtësi nga grupi xhihadist, thonë raportet.

Pamjet tronditëse që po qarkullojnë në internet tregojnë shefin e policisë së gjunjëzuar dhe me sy të lidhur, para ekzekutimit.

Po ashtu sipas raporteve, guvernatori dhe shefi i policisë së Provincës Laghman pranë Jalalabad në Afganistanin lindor janë arrestuar gjithashtu dhe për fatin e tyre që do të vendosë komanda e lartë talebane.

Ndërsa militantët talebanë kërkonin një gazetar të Deutsche Ëelle, një nga anëtarët e familjes së reporterit u qëllua për vdekje, sipas raporteve lokale.

Tani xhihadistët po intensifikojnë gjuetinë e tyre për ata që punuan me forcat e SHBA dhe NATO në Afganistan, zbuloi një raport konfidencial i OKB -së.

 

Pas