Publikohet një video e re në të cilën shfaqet terroristi që i mbijetoi sulmit në aeroportin e Brukselit.
Video është publikuar nga Prokuroria belge ku tregohet rruga që terroristi ka bërë pas largimit nga aeroporti i Zaventemit.
Terroristi shfaqet i veshur me kapele dhe me një xhaketë me ngjyrë të hapur.
Sipas hetuesve, ai më pas e ka hedhur xhaketën dhe tani po kërkohet ndihma e publikut që të raportojnë nëse e kanë parë diku.
“Burri me kapele “, siç quhet nga mediat, është kapur nga kamerat e sigurisë duke shtyrë një karrorcë së bashku me dy kamikazët e tjerë që u hodhën në erë.
Hetuesit belgë kërkojnë informacione nga personat, të cilët e kanë ndeshur përballë burrin me kapele.
