Një aeroplan i Spirit Airlines ka rrëshqitur nga pista në Aeroportin Ndërkombëtar të Thurgood Marshall në Baltimore/Washington (BWI) të enjten në mëngjes si pasojë e kushteve të vështira të motit të krijuara prej stuhive të dëborës.
Avioni rrëshqiti nga pista kur po drejtohej për në terminal, ndërsa 111 njerëz ishin në bord por fatmirësisht asnjë prej tyre nuk u lëndua.
Aeroporti BWI shkroi në Twitter të mërkurën në mbrëmje se ekipi i tij kishte punuar gjatë gjithë ditës për të mbajtur sipërfaqet të sigurta në fushën ajrore dhe afër terminalit, duke thënë se “ekipet qëndrojnë në gatishmëri për të ofruar operacione të sigurta këtë mbrëmje dhe në mëngjes”./ Opinion.al
