Video Skënderbeu-Partizani/ Ja se si forcat speciale dhunuan tifozët e Partizanit brenda në stadium

Përtej asaj që u pa në kamerat e përqëndruara në shkallët e stadiumit “Skënderbeu” të Korçës, lojës së fortë dhe stolave të hedhur nga tifozët e Partizanit, ishte edhe një tjetër atmosferë e cila nuk është hera e parë që ndodh në shkallët e stadiumeve tona. Video e mëposhtme tregon dhunën e ushtruar nga forcat e ndërhyrjes speciale në në aneksin e stadiumit ku ndodheshin tifozët e Partizanit, ku gjithkush mund të shikojë dhunën që ata ushtrojnë ndaj tifozerisë e cila po lë shkallët e stadiumit. Kjo nuk është hera e parë që efektivët e Korçës sillen në mënyrë harbute ndaj tifozerisë së Partizanit, pasi kjo sjellje ka qenë edhe në sfidën e vitit të kaluar. Ndërkohë që në asnjë stadium të Evropës nuk lejohet që policia të futet në sektorin e tifozëve.