Fluks i lartë i automjeteve ka paralizuar qarkullimin në segmentin rrugor Lezhë-Milot.
Trafiku i renduar ka nisur qe prej orëve të para të mëngjesit të sotëm dhe vijon të jetë prezent, ndërsa radha e mjeteve është e madhe.
Kulmi i sezonit turistik, kthimi i emigrantëve dhe ardhja e pushuesve nga Kosova kanë krijuar një trafik të rënduar në këtë aks rrugor. Edhe në aksin Vorë-Maminas ka një trafik të rënduar ku radha e mjeteve është kilometrike.
Dyndja më e madhe krijohet te mbikalimi i Shkozetit në drejtim të Rrogozhinë dhe jugut të vendit, ku qytetarët i drejtohen bregdetit.
Kjo situatë përsëritet gjatë sezonit veror.
