Gazetarja e kronikës Klodiana Lala, ndërsa ishte e ftuar në emisionin “Opinion” në TV Klan mbrëmjen e sotme, më 16 dhjetor, foli lidhur me disa nga çështjet më të nxehta të ditëve të fundit, nga çështja e ish-kreut të ARRSH-së Ervis Berberi dhe kërkesën e sotme të Prokurorisë së Posaçme kundër Korrupsionit dhe Krimit të Organizuar (SPAK).
Sa i përket temës së ish-kreut të ARRSH-së, Ervis Berberi, i cili akuzohet për korrupsion dhe pastrim parash, Lala zbuloi se vetëm ditët e fundit, janë sekuestruar plot 15 aparate celulare nga ana e SPAK-ut, nga të cilët 5 ishin vetëm të ish-drejtorit.
Ky detaj e habiti gazetarin Blendi Fevziu, i cili u shpreh: “Ai paska patur libër!”
Ndërkohë, Lala u përqendrua në çështjen e zëvendëskryeministres Belinda Balluku, për të cilën tha se arsyeja pse SPAK shtoi shtatë akuza të reja, lidhet me faktin se Gjykata Kushtetuese ishte shprehur për akuzat e ngritura më parë, duke pezulluar vendimin e GJKKO-së për pezullimin e saj dhe për këtë arsye nuk mund të kërkoheshin më masa të ashpra me të njëjtat akuza.
Dhe SPAK ka ngritur akuza të reja për secilin lot të Unazës së Madhe.
Pjesë nga biseda në studio:
Lala: Çfarë ndodhi, në momentin që ra pezullimi nga Gjykata Kushtetuese, prokurorët e posaçëm nuk mund të kërkonin ashpërsimin e masës së sigurisë dhe nuk mund të kërkonin leje për arrestim në Kuvend, nëse nuk kishin prova të reja ose fakte të reja. Për Tunelin e Llogarasë dhe për lotin 4 të Unazës së Re nuk mund të shkonin më sepse gjykata e kishte dhënë një herë verdiktin e vet dhe për këtë arsye…
Fevziu: Dhe për këtë arsye Porokuroria e Posaçme ka nxjerrë 6 lote të tjera nga xhepi?
Lala: Prokuroria e Posaçme në fakt i kishte nën hetim, sepse e kishte lënë të kuptohej në njoftimin e parë për shtyp
Fevziu: Por por thotë që ishte marrë e pandehur
Lala: Jo, këtu është nën hetim, nuk është e pandehur, është nën hetim për 7 procedura të reja.
Fevziu: Këto lidhen përsëri me mesazhet e drejtorit të rrugëve?
Lala: Po
Fevziu: Ai paska pas libër!
Lala: Unë e kam thënë edhe një herë, përveçse i ka mbajtur me screenshot, ai ia ka dërguar edhe bashkëshoprtes së tij me mesazh. Kjo është një histori tjetër e sqaruar.
Fevziu: Po sa mesazhe paska patur?
Lala: Atëhere, janë 4 celularë të gjetur vetëm në banesën e Ervis Berberit. Një celular është i bashkëshortes. 15 të tjerë janë sekuestruar vetëm ditët e fundit.
Fevziu: 15 celularë?!
Lala: Po, gjatë ditëve të fundit. Pra nga momenti që i është komunikuar akuza zonjës Balluku, deri ditën e sotme.
Tani çfarë ka ndodhur në lidhje me këto lote? Po ti shikoje në aktakuzën e parë për zonjën Balluku, lihej të nënkuptohej që kompanitë ishin të favorizuara dhe secila kompani kishte marrë lotin përkatës, por nuk ishte lejuar të konkuronte në lotin tjetër.
Fevziu: Pra ishte një garë e paracaktuar?
Lala: Ishte një garë e paracaktuar, e ndarë dhe njëri biznesmen, nëse futej në njërin lot, nuk futej dot në lotin tjetër, në të kundërt, ishte automatikisht i përjashtuar.
Fevziu: Mirë, kjo ishte socialiste si ide. Që të marrin të gjithë nga pak…
Lala: Nëse e relativizojmë vjedhjen dhe korrupsionin bie dakord me ju.
Fevziu: E kam nga ana politike
Lala: Gjëja e dytë është që gjatë këtyre ditëve, me qëllim që ti merrej imuniteti, sepse duhet të kemi parasysh që tashmë zonja Balluku…
Fevziu: Dakord prishje e barazisë në terenda, a pyet SPAK-u pse është prishur barazia? Është prishur nga padija, është prishur nga një gabim njerëzor, apo është prishur barazia se ke vjedhur?
Lala: Që të ketë një hetim të plotë, do duhet të kuptohet ku kanë shkuar të paktën 50 milionë eurot që janë shtuar në tunelin e Llogarasë. Megjithatë nuk mund të paragjykojmë as SPAK-un, por as zonjën Balluku. Ajo prezumohet e pafajshme si çdo qytetar shqiptar, derisa të provohet ndryshe nga gjykata. Nga ana tjetër ne nuk e dimë nëse SPAK do të shkojë me të njëjtat akuza deri në finale. Pra do të thotë se SPAK është duke hetuar historinë e parave dhe për këtë arsye, në kërkesën e fundit, ditën e sotme, që kërkon leje për të arrestuar zonjën Balluku, arrest shtëpie apo arrest me burg atë e vlerëson gjykata, SPAK thotë që të gjitha aktet të mbahen sekret. Dhe të dhjetë anëtarët e Komisionit, është vendosur ditën e sotme, të mos i marrin në rrugë elektronike materialet, por t’i marrin fizikisht dhe të firmosin.
Fevziu: Në rrugë elektronike s’kemi AKSHI-n
Lala: Ditët e fundit SPAK ka arritur të gjurmojë disa transferta parash të cilat mund ta rëndojnë pozitën e zonjës Balluku, nga Shqipëria në drejtim të vendeve të tjera. Dua të them që SPAK po e mban në sekter të plotë sepse duhet ti konfirmojë të gjitha këto lëvizje të parave, që më pas mund të çojnë në një akuzë edhe më të rëndë, ndoshta jo ndaj zonjës Balluku, por ndaj personave të tjerë, ose mund të përfshijë edhe persona të tjerë. Në fund fare mund dhe të tërhiqet nga akuzat.
SPAK nuk kërkon më vetëm detyrën si zv.ministre dhe ministre, por edhe atë pjesë të fuqisë që i vinte nga mandati i deputetit. Pra nëse zonja Balluku vendos të heqë dorë, do të duhet të tërhiqet si zëvendëskryeministre, si ministre e Infrastrukturës dhe Energjisë dhe si deputete e qarkut të Fierit./ TvKlan.al
