Aktualitet

“Ne shuaj, ata ndiz”, Peleshi: Ka një dorë kriminale që na ndjek


Bëhu pjesë e Grupit Zyrtar të Opinion.al
>> KËTU <<
               Publikuar në : 11:19 - 10/08/21 |
Opi Nion

Nga Thirra e Kukësit, ku ndodhet për të monitoruar nga afër situatën e zjarreve, Ministri i Mbrojtjes Niko Peleshi, ka dhënë një deklaratë për mediat.

Peleshi thotë se situata ka qenë alarmante në Kalimash por tashmë është vënë nën kontrol. Po ashtu ai tha se  në majën e Rulës ka probleme, por shpreson se sot mund të vihet në kontroll me ndihmën e Kosovës.

“Mbrëmjen e djeshme situata ka qenë alarmante dhe zjarri ishte afër hyrjeve të tunelit. Ka pasur 10 zjarrfikës në gatishmëri, 2 kanë punuar gjatë natës. Ka qenë e pamundur të ndërhyhej nga tona. Theksoj se janë rreth 200 trupa të alokuar këtu. Gjithashtu kemi nga zonat e mbrojtura, nga pushteti vendor.

Gatishmëria është e lartë, sot situata është më e qetë falë ndërhyrjes së autoriteteve. Dua të falënderoj strukturat që janë në krye të punës, gjithashtu falënderoj ministrin e Kosovës Armend Mehaj i cili ka qenë i gatshëm për të na mbështetur. Besoj që sot do ta vendosim në kontroll të plotë zjarrin ma majën e Rrunës”, tha Peleshi.

Më tej Peleshi shprehet i bindur se kundër shtetit po punon edhe një dorë kriminale e cila ndez zjarre qëllimisht dhe për këtë përmend rastin e Llogarasë

 “Ka një dorë kriminale që po na ndjek nga mbrapa, ne fik dhe ata ndez. Tani jam i sigurt për këtë gjë. Ne bëjmë maksimumin. Ministria e Mbrojtjes, FA, Agjencia e Mbrojtjes Civile, kam këtu drejtorin, ka qenë kudo. Nuk jemi perfektë. Këtu ka fluturime ajrore. Kemi dy helikopterë, një holandez në Llogara dhe një tjetër këtu.
Nuk ka munguar gatishmëria, ne bëjmë punën tonë. Të gjithë jemi në alert. Falenderoj Kosovën, ministrin, Presidenten. Janë krahas nesh, filluan operacionin. Do na japin një dorë.
”- tha Peleshi./Opinion.al

Pas