Sport

Video/ Ronaldo do të largohet nga Juventus? Këto pamje konfirmojnë krisjen


               Publikuar në : 14:18 - 20/04/19 |
el ida

Eliminimi i Juventusit nga Ajax në Champions League u shoqërua me zërat për largimin e parakohshëm të Cristiano Ronaldos.

Mediat italiane raportuan se mungesa e triumfit në Europë nuk është pritur mirë nga ylli portugez, i cili shfaqi pakënaqësi ndaj stolit, për mënyrën si ekipi nuk arriti ta menaxhonte ndeshjen.

Kjo video, e kapur nga kamerat amatore në fund të lojës, duket se konfirmon zërat për krisjen, pasi me gjestin e tij, drejtuar stafit bardhezi apo ndonjë shoku të ekipit, Ronaldo shprehte rezerva “për kurajën e munguar të skuadrës në fushë”.

Kujtojmë se disa gazeta prestigjoze italiane si “La Repubblica” dhe “Corriere della Sera” kanë shkruar se Cristiano Ronaldo nuk do ta respektojë kontratën me Juven deri në vitin 2022.

“Është shumë e vështirë që CR7 të qëndrojë deri në fund të kontratës. Sezoni i ardhshëm do të jetë i fundit i tij në Itali”, shkruante “La Repubblica”.

Momentalisht Juventusi po kalon ditë të vështira. Edhe pse mund të fitojë për të tetën herë rradhazi titullin kampion në Serinë A, fitorja do të jetë e zbehtë nga disfata në Champions, ëndërr e linduar nga ardhja e Ronaldos në Juventus./Opinion.al

Pas