Këngëtarja shqiptare me famë botërore, Rita Ora ka marrë vëmendjen e medias gjatë një lidhje direkte në emisionin “The big Breakfast”.
Këngëtarja 31- vjeçare, ka shkaktuar të qeshura në studio teksa po diskutonte për ushqimet që i konsumonte gjatë xhirimeve, ndërsa në dorë mori një frut për të cilin tha se ishte një mollë, ndërkohë që në të vërtetë ishte një pjeshkë. Kjo gjë shkaktoi të qeshura në studio.
“Sapo shikova në tasin tim me fruta… një mollë të pluhurosur. Shiko këtë! A mund ta shohësh? As nuk e di nëse është një mollë, mendoj se mund të jetë një dardhë e vyshkur.’
Ndërkohë, prezantuesja AJ Odudu duke u përpjekur të përmbajë të qeshurën kur Rita nxorri frutin para kamerës, tha se: “Më vjen keq që ta them këtë. Është një pjeshkë, jo një mollë!’
Ndërsa Rita për të dalë nga situata tha se: ‘Është ora 3 e mëngjesit djema, më jepni një pushim!”
Videoja e këtij momenti epik po bën xhiron e rrjeteve sociale./Opinion.al
