Rrjeti më i madh social në botë, Facebook, ka prezantuar “Marketplace”, një treg i ri online, duke ofruar mundësinë që njerëzit të shesin gjithçka nga gjërat e vjetra që kanë.
Facebook ka njoftuar se këtë sektor e ka hapur për shkak të interesimit të madh të përdoruesve në grupet e dedikuara për blerje dhe shitje lokale.
Me mundësinë e re, Facebook do të rivalizojë platformën më të famshme të shitjeve online ‘eBay’.
“‘Marketplace’ është destinacioni në të cilin njerëzit mund të zbulojnë, blejnë apo shesin gjëra nga fqinjët dhe komuniteti. Veçoria e re do të shfaqet pikërisht për atë që ju doni të blini. Është e dizenjuar për njerëzit, jo për bizneset”, ka thënë Bowen Pan nga Facebook.
“Marketplace” do të publikohet pas disa ditësh në disa vende të botës.
