Kryeministri Edi Rama tentoi të organizojë sot një Durrës një takim informal me 6 kryeministra të vendeve të rajonit, por në takim i erdhën vetëm Kryeministri i Kosovës, dhe i Malit të Zi, Dushko Markovic. Takimi u zhvillua në vilat qeveritare në Durrës. Në takim munguan kryeministri maqedonas Zoran Zaev, kryeministrja serbe Ana Brnabiç dhe i Bullgarisë Borisov.
Gjatë momentit të pritjes Rama shihet ta këshillojë miqësisht Haradinajn ta heqë kollaren (kravaten). Këshillë që duket se ai e ka dëgjuar pasi në konference për shtyp u shfaq pa kravatë. Ndërsa vete Rama, si zakonisht ishte veshur me kostum dhe me atlete.
Por gjatë konferences per mediat, Haradinaj tha qartë se është kundër ndryshimit të kufijve të Kosovës, ndryshe nga Presidenti i vendit të tij. Ndërsa Rama hezitoi të japë një përgjigje për këtë teme, teksa analistët politikë kanë shkruar se Thaçi është nxitur nga Rama dhe Vuçiç për të kërkuar ndryshimin e kufijve.
“Kosova i ka kufijtë e vet të përcaktuar qartë me Serbinë. Ne i respektojmë këta kufij dhe nuk mendojmë që duhet ndonjë kreativitet i ri në dizajnim të tyre”, do të shprehej Haradinaj.
Ndërsa Rama, nuk bëri komente duke thënë: “Merrni deklaratën e komisionerit Hahn përkthejeni në shqip dhe vendosni emrin tim”. Sakaq, vetë Hahn ishte i rezervuar për këtë temë.
Pamjet: Momenti kur Rama këshillin Haradinajn të heqë kollaren
Shpjegimi i Ramës për mungesën e tre kryeministrave
Tre kryeministra nga vendet e Ballkanit Perëndimor, Bullgarisë, Serbisë dhe Maqedonisë nuk kanë marrë pjesë në takimin informal të organizuar nga kryeministri Rama në Durrës.
Në nisje të fjalës së tij, kreu i ekzekutivit shqiptar ka shpjeguar arsyet e mungesës së Bojko Borisov, Ana Bernabiç dhe Zoran Zaev.
Rama: Për rrethana objektive kanë pamundësuar praninë e disa miqve të tjerë të rëndësishëm. Përfitoj nga rasti ti shpreh ngushëllimet tona, kryeministrit Borisov për aksidentin tragjik ku kanë humbur jetën shumë persona, është bërë shkak për anulimin e ardhjes së tij.
Po ashtu kryeministri i Maqedonisë pas më shumë se një orë në aeroportin e Shkupti e ka pasur të pamundur për shkak të kohës.
Kryeministrja serbe na ka përcjellë keqardhjen për pamundësinë. Megjithatë besoj që kemi zhvilluar një takim të frytshëm, të dobishëm duke bërë një bilanc të ecurisë së procesit të krijimit të zonës rajonale ekonomike, duke parë më radhë të gjitha aspektet e këtij procesi, qoftë ato që kanë ecur si duhet qoftë ato që kanë nevojë për një shtysë të fortë.
/Opinion.al
