Kryeministri Rama i është përgjigjur akuzave të opozitës lidhur me paketën e tretë të mbështetjes ekonomike si pasojë e situatës Covid-19.
Opozita ka akuzar kryeministrin se ka premtuar një paketë të tretë mes datave 20 dhe 25 maj dhe për këtë publikoi një video ku ai e thoshte një gjë të tillë në një nga komunikimet e tij në Facebook.
Kryeministri Rama ka publikuar sot një video ku i kundërpërgjigjet akuzës duke nxjerrë të njejtin moment ku thotë se “do të jemi gati për një paketë të tretë mes datave 20 dhe 25 maj” por duke shtuar pas saj se kjo do të jetë e mundur pasi të shihet situata në të dyja frontet.
“MJAFTON TË NXJERRËSH GJYSMËN E NJË FRAZE TË VËRTETË NGA GOJA E TJETRIT, PËR TË PËRHAPUR NJË GËNJESHTËR TË MADHE NDAJ TIJ! Që të ruheni prej tyre mos i gëlltisni kurrë pa përtypur produktet e LBPD & Co”, shkruan kryeministri Rama. /Opinion.al
