Gjatë fotos familjare me liderët që morën pjesë në samitin e BE-së për Ballkanin Perëndimor, Kryeministri Rama është shfaqur duke biseduar me presidentin Francez, Emmanuel Macron.
Në videon pa zë, nga gjuha e trupit dhe gjestet e kryeministrit shqiptar duket se ka patur tensione mes tyre. E teksa Rama duket mjaftueshëm i përfshirë në bisedë Macron duket se vijon të ketë vëmendjen drejt fotos.
Samiti i sotëm i BE në Bruksel vendosi që të mos hapen negociatat për Shqipërinë dhe Maqedoninë e Veriut, gjë që ka sjellë reagime të ashpra të kryeministrit të Maqedonisë së Veriut, Kovaçevski dhe të kryeministrit Edi Rama.
