ABC News publikon për herë të parë, videon e dy vrasësve të dyshuar që qëlluan për vdekje 64-vjeçarin Memli Begalla, në zonën e ish-Bllokut në Tiranë. Ekzekutorët, pas krimit që zgjati jo më shumë se 20 sekonda, largohen të qetë, duke mos ngjallur dyshim te fqinjët e pallatit.
Pamjet që po ndiqni janë ekskluzive, të siguruara nga ABC News. Video paraqet veprimet e dy autorëve të dyshuar për vrasjen e Memli Begallës, ndodhur më 14 Shkurt në zonën e ish-Bllokut në Tiranë.
Siç duket edhe nga pamjet e fiksuara nga kamerat e sigurisë, viktima mbërrin në hyrje të tunelit, i cili ndodhet në rrugën “Nikolla Tupe”, pikërisht në orën 20 e 39 minuta e 10 sekonda.
Vetëm 20 sekonda me vonë, shfaqen dy vrasësit të veshur me xhupa e kapuçë të zinj, të cilët ndjekin viktimën nga pas.
Videon e gjeni në faqen zyrtare të ABC News në linkun më poshtë:
