Ish-ministri i Jashtëm, Ditmir Bushati, ka kritikuar qëndrimet e Shqipërisë në raport me konfliktet dhe zhvillimet ndërkombëtare,
Në emisionin “Opinion”, Shqipëria duhet të tregojë integritet dhe parimësi në skenën ndërkombëtare. Sipas tij, qëndrimi i duhur duhet të përfshijë dënimin e çdo akti terrorist nga grupi Hamas, mbështetjen për një zgjidhje me dy shtete dhe angazhimin në mbrojtje të të drejtës ndërkombëtare.
“Është një botë që është në ndryshim të vazhdueshëm, ka një dinamikë të madhe dhe është shumë e rëndësishme që ne të orientohemi duke u bazuar në disa parime. E para, gjeografia është destinacion, nuk e ndryshon dot, ndërsa strategjia është në zgjedhjen tonë. Nëse ka dy konflikte që po zhvillohen sot në botë,q ë e impaktojnë në një mënyrë apo në një tjetër rajonin tonë është ajo është ajo çka po ngjet në Lindje me Ukrainën dhe ajo çka po ngjet në Lindjen e Mesme. Së dyti Shqipëria e ka njohur shtetin e Palestinës në ’88 ka qenë vijmësisht një zgjidhje me dy shtete. Në vitin 2018 ka votuar kundër qëndrimit të propozuar nga Shtetet e Bashkuara të Amerikës për të njohur Jerusalemin si kryeqytetin e Izraelit. Kemi kultivuar tradicionalisht marrëdhënies shumë miqësore me shtetin e Izraelit sidomos në dy dekadat e fundit. Për fat të keq, nga momenti i shpërthimit të konfliktit në Gaza qëndrimi i Shqipërisë është bërë amorf dhe i paqartë. Ndërkohë vende si Gjermania dhe Kroacia nuk e njohin ende si shtet, votojnë për një zgjidhje mes dy shteteve, votojnë për një prani të OKB-së dhe të pranisë së trupave humanitarë në Gaza. Dënojnë sulmin terrorist të Hamasit, por dënojnë dhe përdorimin jo propocional të forcës së ushtrisë izraelite. Shqipëria në këtë moment ka zgjedhur një qëndrim për mosqëndrim. Ndërkohë që qëndrimi i Shqipërisë duke nisur pikë së pari nga historia dhe vlerat tona që duhet të promovojmë si një vend i vogël nga ndryshimi i interesave minimalisht duhet të ishte: A-dënim me çdo kusht i çdo veprimtarie të Hamasit dhe forcave terroriste, B-mbështetje për një zgjidhje me dy shtete, C-për të drejtën ndërkombëtare ne e dimë shumë mirë se çfarë ka ndodhur në Kosovë me popullsinë shqiptare. Mënyra se si matet një vend i vogël si Shqipëria në arenën ndërkombëtare është për nga integriteti dhe parimësia që demonstron”,-tha Bushati.
