Ka rezultuar fatale gara e sotme për pilotin 14-vjeçar të motoçiklizimit Hugo Millan. Ai ka humbur jetën pas një aksidenti në pistën e MotorLand Aragón, në Spanjë. I riu ishte pjesë e garës së turneut “European Talent Cup”, kur në kthesën 13 humbi kontrollin e motorit dhe ra në asfalt.
Ai u çua dhe u përpoq të dalë nga pista, por pikërisht në atë moment një tjetër pilot erdhi nga pas me shpejtësi duke i dhënë goditjen fatale. Millán u dërgua në spitalin e Zaragozës, por kishte ndërruar jetë./Opinion.al
