Prania e vajzave në eventet sportive dhe veçanërisht në lojërat ku përfshihen ekipet e meshkujve është një histori e dhimbshme, me regjimin e Teheranit.
Që nga viti 2019, pas gati 40 vitesh ndalime, ato janë lejuar të hyjnë në stadiumet e futbollit, një vendim i ardhur pas vdekjes tragjike të 29-vjeçares Sahar Jodayari. Kjo e fundit ishte maskuar si mashkull për të parë ndeshjen e Esteghlal me Al Ain të Emirateve të Bashkuara Arabe, por u pikas dhe u arrestua. Jotayarim e njohur edhe si “vajza blu” (nga ngjyrat e Esteghlalit) qëndroi në paraburgim për dy ditë dhe u la e lirë, por kur mësoi se do të dalë në gjyq dhe rrezikon 6 muaj burg, i vuri flakën vetes.
Pothuajse 5 vjet më vonë dhe teksa vajzat tani mund të ndjekin ndeshjet në stadium, u regjistrua një incident tjetër ku përsëri përfshihej një tifoze femër e Esteghlal, por edhe portieri ndërkombëtar i ekipit të Teheranit, Hossein Hosseini.
Ai zgjodhi që ta përqafonte, por kjo i kushtoi jo pak. Si pasojë e këtij vendimi, ai u dënua me një ndeshje pezullim dhe 4400 euro gjobë për “sjellje të pahijshme ndaj zyrtarëve të ndeshje”.
🤗 In an act of incredible courage, a younger Iranian female fan runs towards Esteghlal’s Hossein Hosseini, who hugs her.
This is an incredibly courageous act by the female fan and goalkeeper in the Islamic Republic of Iran. ❤️pic.twitter.com/x7QpTAATsI
— Persian Soccer (@prznsoccer) April 12, 2024
