Bota

VIDEO/Pamjet satelitore shfaqin ndërtime të mëdha ushtarake ruse në Arktik


Bëhu pjesë e Grupit Zyrtar të Opinion.al
>> KËTU <<
               Publikuar në : 15:29 - 05/04/21 |
Opi Nion

Rusia po ndërton një bazë ushtarake në Arktik dhe po teston armët e saj më të reja në një rajon tashmë pa akull për shkak të ngrohjes globale, në një përpjekje për të siguruar bregdetin e saj verior dhe për të hapur një rrugë kyçe transporti nga Azia në Evropë.

Ekspertët e armëve dhe zyrtarët perëndimorë kanë shprehur shqetësim të veçantë për një ‘super-armë’ ruse, silurën Poseidon 2M39. Raketa e re bërthamore që arrin një shpejtësi rreth 200 km/h, është ndërtuar, thonë zyrtarët rusë, që të kalojë pa u vënë re nga sistemet bregdetare të mbrojtjes së Shteteve të Bashkuara. Ajo mund të shkaktojë një cunam radioaktiviteti me ujë të kontaminuar.

Në nëntor, Christopher A Ford, asistent sekretar i shtetit për Sigurinë Ndërkombëtare tha se Poseidon është projektuar për të “përmbytur qytete bregdetare të SHBA me tsunam radioaktiv”.

Ekspertët pajtohen se arma është “shumë reale” dhe tashmë po realizohet. Kreu i inteligjencës norvegjeze, nënadmirali Nils Andreas Stensønes, i tha CNN se agjencia e tij ka vlerësuar Poseidon si “pjesë e llojit të ri të armëve parandaluese bërthamore. Është në një fazë testimi. Por është një sistem strategjik i drejtuar në shënjestra të caktuara… Prandaj ka një ndikim përtej rajonit, ku po e testojnë aktualisht”.- tha ai.

Imazhet satelitore të siguruara për CNN nga kompania e teknologjisë hapësinore Maxar tregojnë një ndërtim me ritme të ngadalta por të vazhdueshëm të bazave ushtarake ruse, si dhe ndërtimin e armëve të reja te teknologjisë së lartë, në vijën bregdetare të Arktikut.

Hardueri rus në zonën e Veriut të Lartë përfshin bombardues dhe avionë MiG31BM dhe sisteme të reja radari afër bregdetit të Alaskës.

Ndërtimi rus përputhet me lëvizjet e trupave dhe pajisjeve të NATO-s dhe SHBA-së. Bomberët amerikanë B-1 Lancer të stacionuar në bazën ajrore Norwayrland të Norvegjisë kanë përfunduar së fundmi misionet në Detin Barents.

Një zyrtar i lartë i Departamentit të Shtetit i tha CNN: “Ka qartë një sfidë ushtarake nga rusët në Arktik,” duke përfshirë rindërtimin e bazave të tyre vjetra të Luftës së Ftohtë dhe ndërtimin e objekteve të reja në Gadishullin Kola afër qytetit të Murmansk. “ Zyrtarët e SHBA më kanë shprehur shqetësimet e tyre se e gjithë kjo mund të mos jetë vetëm për mbrojtje, por ka të bëjë me projektimin e fuqisë përreth akullit në Polin e Veriut”, tha zyrtari.

Imazhet satelitore tregojnë forcimin e ngadaltë dhe metodik të bazave ajrore “trefoil”, një model i tërfilit që ka tre ngjyrat e flamurit rus, të bardhën, të kuqen dhe blunë.

Zyrtarët amerikanë kanë shprehur shqetësim, që forcat mund të përdoren për të vendosur në kontroll de facto mbi zonat e Arktikut që janë më larg, dhe së shpejti do të jenë pa akull. “Rusia po rinovon aeroportet dhe instalimet e radarëve të epokës Sovjetike, duke ndërtuar porte të reja dhe qendra kërkim-shpëtimi po ashtu po ndërton flotën e saj të thyerjes së akullit me energji bërthamore dhe konvencionale,” i tha CCN Nënkoloneli Thomas Campbell, një zëdhënës i Pentagonit./Opinion.al

Pas