Vladimir Putin mbështetet nga 69% e popullit, por çfarë mendojnë në të vërtetë rusët për presidentin e tyre?
Kjo ishte dilema e një organizatori të njohur kamerash të fshehta në Rusi, i cili vendosi të bëjë “një test” krejt të pazakontë.
Bashir Dokhov vendosi një portret të Putinit në një ashensor për të parë reagimet e qytetarëve të rastësishëm. Të gjitha skenat u filmuan nga një kamera e vendosur në majë të ashensorit dhe më pas u shpërndanë në mediat sociale, ku janë bërë shumë virale.
I riu deklaroi se nuk është i shqetësuar nëse autoritetet ruse do t’i vihen nga pas pasi nuk ka asnjë shkelje ligji në videon e tij, nga ku shihet se shumë nga komentet e personave që hynë në ashensor dhe u përballën me portretin ishin negative./Opinion.al
