ABC News ka siguruar pamjet ekskluzive të momentit kur autorët i vënë flakën automjetit të shefit të paraburgimit në Vlorë Feim Alisinani
Ngjarja ndodhi mbrëmjen e djeshme gjatë në Vlorë, në lagjen “Hajrro Cakerri”.
Fillimisht drejt automjetit afrohet një person me kapuc dhe maskë. Pasi vëzhgon zonën për pak momente ai thyen xhamin e makinës. Më vonë pranë tij vjen edhe një person tjetër me kapuç. Ata hedhin benzinë brenda mjetit dhe më pas ndezin një objekt të cilin e hedhin brenda makinës duke i vënë flakën të tërës.
Ata largohen menjëherë me shpejtësi nga vendi i ngjarjes, ndërkohë që automjeti u shkrumbua nga flakët.
Mësohet se pista kryesore që po ndjek policia është ajo që lidhet me ushtrimin e detyrës së shefit të Paraburgimit.
Në dëshminë që ka dhënë vetë ai këtë ka deklaruar se dyshon që gjithçka mund të lidhet me detyrën. Megjithatë ka theksuar se nuk ka pasur ndonjë konflikt të mëparshëm./Opinion.al
