Bota

Video/Avioni rus rrezikon “B52” amerikan në fluturim, reagon komanda


Bëhu pjesë e Grupit Zyrtar të Opinion.al
>> KËTU <<
               Publikuar në : 14:27 - 30/08/20 |
Opi Nion

Dy avionë ushtarakë rusë kanë bërë një ndërhyrje jo profesionale në trajektoren e avionit bombardues amerikan B-52 të premten, në zonën mbi Detin e Zi në ujërat ndërkombëtare, sikurse ka bërë të ditur në një deklaratë përfaqësia e Forcave Ajrore Amerikane në Europë.

Avioni rus kaloi në një distancë jo më shumë se 30 metër në hundën e avionit B52 disa herë, duke shkaktuar turbulenca dhe duke rrezikuar aftësinë e këtij të fundit për të manovruar.

“Veprime të tilla që rrisin rrezikun e përplasjes për shkak të rrymave ajrore janë të panevojshme dhe jashtë rregullave të fluturimit ndërkombëtar”, tha në deklaratë Gjenerali Jeff Harrigian, komandat i Forcave Ajrore Amerikane në Europë dhe Afrikë.

“Ndërsa avionët rusë ishi duke fluturuar në hapësirë ndërkombëtare ata rrezikuan sigurinë e fluturimit të avionit amerikan. Në presim që ata të veprojnë sipas standardeve ndërkombëtare që japin siguri dhe parandalojnë aksidentet”, tha ai.

Avioni amerikan B-52 fluturoi të premten mbi 30 vende të NATO-s për të treguar solidaritet, gatishmëri dhe për të tajnuar aftësitë e përmirësuara nga flota ajrore amerikane dhe ajo e aleatëve të NATO-s,”, thuhet në njoftimin e komandës europiane të SHBA.

Nga ana tjetër demonstrimi i aftësive amerikane vjen në një kohë të tensionuar në marrëdhëniet me Rusinë dhe në vijim të kërkesës së administratës Trump ndaj aleancës për reduktimin e trupave amerikane në Europë./Opinion.al

Pas