Me firmosjen e vendimit për emërimin e Drejtorit të ri të Policisë së Shtetit, Ardi Veliu është larguar nga zyra e tij për t’ia lënë pasuesit të tij, Gledis Nano.
Sikurse shfaqet në pamjet e mëposhtme të marra nga Klan News, Veliu del nga ambientet e Drejtorisë së Përgjithshme të Policisë së Shtetit dhe largohet me automjetin Range Rover të institucionit që ai drejtonte.
Gledis Nano është tashmë kreu i ri i Policisë së Shtetit, i cili para se të merrte këtë detyrë ishte drejtori i Anti-Terrorit.
Emri i Gledis Nanos spikati publikisht veçanërisht në operacionet e kthimit të grave dhe fëmijëve nga kampet e refugjatëve në Siri. Pikërisht për kontributin e tij në luftën kundër terrorizmit, në muajin gusht, Geldis Nano u vlerësua me një certifikatë mirënjohjeje nga Ambasadorja Yuri Kim, në emër të Qeverisë Amerikane./Opinion.al
