Një 35-vjeçar është vënë në pranga nga policia në Sarandë pasi ka grabitur shuma parash, dhe sende personale në tre automjete.
Policia e Shtetit ka publikuar videon, ku i riu me inicialet E. Z., i maskuar me kapuç për të mos u identifikuar hapte dhe grabiste makinat në Sarandë.
Nga kryerja e veprimeve hetimore dhe provat e sekuestruara, dyshohet se 35-vjeçari është autor i disa vjedhjeve, më datë 17 shkurt 2023 ku i ka grabitur një shumë parash dhe sende personale nga automjeti i shtetasit A. K.; më datë 15 shkurt 2023, në lagjen nr.2, Sarandë, ku ka vjedhur një shumë parash dhe sende personale nga automjeti i shtetasit A. T.; dhe po më datë 15.02.2023, në rrugën “Adem Sheme”, Sarandë, ka vjedhur një shumë parash dhe sende personale nga automjeti i shtetasit A. Ll.
Ndërkaq, vijon puna për dokumentimin e vjedhjeve të ndodhura më parë, që dyshohet se janë kryer nga ky shtetas.
Materialet i kaluan Prokurorisë pranë Gjykatës së Rrethit Gjyqësor Sarandë, për veprime të mëtejshme.
