Ky është momenti kur pas arrestimit gjyqtarja Enkelejda Hoxha mbërrin në Drejtorinë e Policisë së Tiranës. Siç duket në video, Hoxha shfaqet me kapuç, me qëllim fshehjen nga kamerat.
Gjyqtarja Hoxha është një nga 10 personat e arrestuar nga operacioni i SPAK pas hetimeve disa mujore në Gjykatën e Krujës. Sipas prokurorisë Gjyqtarja Hoxha do të lironte me kusht të dënuarin Saimir Petani i ekstraduar nga Italia dhe i dënuar me 25 vite për vrasjen e Romeo Beqirin. Petani vuante dënimin në burgun e Fushë-Krujës.
SPAK ka siguruar prova se gjyqtarja Hoxha kishte marrë shuma parash nga 6- 12 mijë euro për firmosjen e lirimit me kusht të Saimir Petani në bashkëpunim mr avokatin Aldo Tabaku. Ndërkohë raportohet se policia ka shkuar dhe tek banesa e gjyqtares Hoxha për të ushtruar kontroll dhe sekuestruar dokumente.
Hoxha akuzohet për veprën penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, kryer në bashkëpunim, parashikuar nga nenet 319/ç dhe 25 të Kodit Penal.
