Kronikë

Video/Mbollën drogë mes parcelës me misër, shpallen në kërkim 4 persona



Bëhu pjesë e Grupit Zyrtar të Opinion.al
>> KËTU <<
               Publikuar në : 14:01 - 21/07/22 |
Opi Nion

Policia ka informuar se vijon puna për parandalimin, evidentimin dhe goditjen e veprimtarisë kriminale në fushën e kultivimit, prodhimit dhe trafikimit të lëndëve narkotike.

Në finalizimin e dytë të operacionit policor të koduar “Zhavar”, janë identifikuar dhe shpallur në kërkim 4 autorët e dyshuar të kultivimit të bimëve narkotike, në fshatin Mujalli, Fier.

Rezulton se 2 shtetasit e arrestuar dhe shtetasi i shpallur në kërkim, ditën e djeshme, në kuadër të operacionit të koduar “Zhavar”, të zhvilluar nga Policia e Fierit, gjatë të cilit u sekuestruan 83 kg lëndë narkotike kanabis dhe 2 automjete, dyshohet se janë bashkautorë edhe në kultivimin e bimëve narkotike, në fshatin Mujalli.

Bazuar në informacionet e grumbulluara gjatë hetimit në kuadër të procedimit penal të nisur në muajin qershor 2022, si rezultat i hetimit të thelluar, u bë shpallja në kërkim e shtetasve:

H.D., 58 vjeç, banues në Tiranë;

E.Q., 82 vjeç, banues në Baltëz, Fier;

G.Q., 47 vjeç, banues në Baltëz, Fier;

A.M., 60 vjeç, banues në Baltëz, Fier.

Nga veprimet hetimore dyshohet se këta shtetas janë autorë të dyshuar të kultivimit të bimëve narkotike, në parcelën me misër, në fshatin Mujalli, Fier.

Gjithashtu, nga veprimet e kryera gjatë operacionit rezulton se personat e arrestuar ditën e djeshme dhe personi i shpallur në kërkim, konkretisht shtetasit F.G., A. Xh. dhe S. L. janë bashkëpunëtorë edhe në kultivimin e bimëve narkotike, në fshatin Mujalli.

Në cilësinë e provës materiale janë sekuestruar 3 gjeneratorë, 1 radio si e Policisë dhe pajisje të ndryshme pune që shërbenin për mbjelljen dhe rritjen e bimëve narkotike.

Në bashkëpunim me Prokurorinë, vijon puna për kapjen e personave në kërkim dhe dokumentimin e plotë të kësaj veprimtarie kriminale.

Pas