Bota

VIDEO/ Mbështetësit e Trump luten para qendrave të numërimit në Nevada


Bëhu pjesë e Grupit Zyrtar të Opinion.al
>> KËTU <<
               Publikuar në : 18:19 - 06/11/20 |
Al Do

Zgjedhjet në Shtetet e Bashkuara të Amerikës nuk kanë ende një fitues dhe kjo situatë pritet të zgjasë edhe disa ditë pasi presidenti Trump ka paralajmëruar procese gjyqsore në disa shtete.

Kandidati demokrat Joe Biden ka marrë kryesimin në disa shtete kyçe, gjë që e afron atë gjithnjë e më shumë me fitoren. Kjo ka bërë që mbështetësit e Trump të dalin në rrugë dhe madje të fillojnë lutjet para qendrave të numërimit të votave.

Në një video të publikuar nga Reuters, shihet se si mbështetës të Trump janë ulur në gjunjë dhe luten për fitoren e tij në departamentin e zgjedhjeve të Qarkut Clark të Nevada.

Sipas numrave të fundit, Biden po mban epërsinë e tij ndaj Trump me rreth 22,000 vota në Nevada.

Rreth 91% e votave janë numëruar deri më tani, dhe rreth 76% e votave totale pritet të jenë përmes fletëvotimeve postare.

Nevada është një nga shtetet që zgjodhën të dërgojnë fletëvotime postare te çdo votues i regjistruar në shtet.

Para zgjedhjeve, Trump denoncoi në mënyrë të përsëritur këtë lëvizje, duke thënë se do të mundësi për manipulime.

Studiuesit nuk kanë gjetur ende prova të ndonjë manipulimi zgjedhor./ Opinion.al

Pas