Gazetari Marin Mema i është bashkuar sot protestës së qytetarëve kundër rritjes së çmimeve. Gjatë fjalës së tij ai ka thënë se Shqipëria bëhet me zemër, bëhet për flamurin dhe jo për partitë politike.
Ndër të tjera ai tha se zemra e Shqipërisë janë shqiptarët e thjeshtë dhe se ata mund ta bëjnë këtë vend. Gazetari u shpreh se të gjithë së bashku do të kërkojnë të drejtën për një të ardhme më të mirë.
“Kush ka thënë se nuk bëhet Shqipëria? Shqipëria bëhet. Të gjithë bashkë e bëjmë. Shqipëria bëhet me zemër, bëhet për flamurin tonë dhe jo për flamurin e partive. Të gjithë bashkë e bëjmë këtë vend, sepse i ka të gjitha. Por ka njerëz në krye që duan ta masakrojnë. Sot është koha që të gjithë bashkë të bëjmë më shumë për vendin tonë. Është koha ti japim mundësi të rinjve, ta kenë këtu mundësinë dhe jo të ikim. Sot jemi kaq, çdo ditë duhet të jemi më shumë. Tregojini këtyre talenteve të 30 viteve se çfarë mund të bëjmë të gjithë bashkë. Zemra e Shqipërisë janë shqiptarët e thjeshtë, dhe këta mund ta bëjnë këtë vend. Të gjithë bashkë të kërkojmë të drejtën për një të ardhme më të mirë”,-u shpreh Mema./Opinion.al
