Përshkallëzohet protesta në Durrës, qytetarët bllokojnë hyrjen e Portit

Është përshkallëzuar protesta në qytetin e Durrësit. Mësohet se qytetarët kanë bllokuar hyrjen e Portit të Durrësit.

Për shkak të këtij bllokimi automjetet nuk mund të hyjnë apo dalin nga Porti.

Si fillim qytetarët iu drejtuan autostradës Tiranë-Durrës, çka solli dhe mobilizimin e forcave të policisë për të mos lejuar bllokimin e rrugës. Por në momentin që arritën te Ura e Dajlanit, qytetarët i ngritën një rreng uniformave blu duke ndryshuar drejtim dhe duke shkuar drejt portit.

Kjo ka shkaktuar bllokimin e të gjithë automjeteve apo kamionëve që duhet të futen në Portin e Durrësit për tu nisur drejt Italisë./Opinion.al