11 efektivë të policisë në Vlorë janë në hetim disiplinor, si të dyshuar se nuk kanë kryer detyrën për parandalimin dhe kultivimin e kanabisit. Për 3 të tjerë është vendosur përjashtimi i tyre nga Policia e Shtetit.
Të dhënat u bënë të njohura nga Drejtori Vendor i Policisë së Vlorës, Gentian Shehaj, gjatë një takimi me strukturat e pushtetit lokal, ku u trajtua çështja e parandalimit të kultivimit të drogës.Emrat e policëve që dyshohen se lejuan drogën apo bashkëpunuan me trafikante, nuk jane publikuar nga policia.
Vlora është cilësuar një nga zonat më problematike, sa i përket kultivimit dhe trafikimit të bimëve narkotike. Drejtori i Policisë jep shifra, sipas të cilave kultivimi i kanabisit ka pësuar ulje të ndjeshme në 2017-ën.
