Emisioni italian investigativ “Le Iene” ishte i pari që publikoi disa vite më parë si dhe muajt e fundit, rastin e djalit 11-vjeçar shqiptar Alvin Berisha. Ai u mor nga e ëma në vitin 2014 dhe bashku udhëtuan drejt Sirisë ku ajo ju bashkua Shtetit Islamik.
Që prej asaj kohe babai i tij, Afrim Berisha, i cili prej kohësh jetonte në Itali së bashku me familjen nuk e kishte parë më të voglin. Pas një odiseje të gjatë pak ditë më parë u bë i mundur kthimi i Alvinit në Romë në shtëpinë e tij.
Sërish emisioni “Le Iene” ndoqi të gjithë rrugëtimin e tij deri në shtëpi ku tregoi momentet prekëse të bashkimit të vogëlushit shqiptar me familjen e tij dhe gjithashtu dëshmitë e tij të pakta për vitet e vështira të kaluara në kampin e “Al-Hol”. Më poshtë video e publikuar nga emisioni “Le Iene”./Opinion.al/
Videon e plotë e gjeni këtu
