Një situatë e pazakontë ka ndodhur në Parlamentin e Turqisë. Një deputet turk ka thyer celularin me çekiç teksa ishte duke folur.
Sipas BBC, Burak Erbay, i cili është anëtar i Partisë Popullore Republikane në opozitë, po protestonte kundër një projektligji të propozuar e të mbështetur nga qeveria, i cili synon të luftojë “dezinformimin” në internet.
Sipas këtij legjislacioni, rrjetet e mediave sociale dhe faqet e internetit do të duhet të publikojnë detaje të përdoruesve të dyshuar për “përhapjen e informacionit të rremë”, gjë që mund të çojë në burgosjen e të akuzuarve deri në tre vjet burg.
Kritikët thonë se projektligji, nëse merr votat për miratim, do të cenonte liritë e shtypit dhe do të çonte në censurë./Opinion.al
