Bota

VIDEO/ Kolegët përplasën në tokë të moshuarin, 57 policë japin dorëheqjen


Bëhu pjesë e Grupit Zyrtar të Opinion.al
>> KËTU <<
               Publikuar në : 17:38 - 06/06/20 |
el ida

57 efektivë të Policisë së Bufalos, në Nju Jork, kanë dhënë dorëheqjen nga detyra, pas pezullimit të dy kolegëve të tyre, që akuzohen se përplasën në tokë një protestues 75-vjeçar.

Efektivët dhanë dorëheqjen nga skuadra speciale, por jo nga puna e rregullt në Policinë e qytetit.

Për ngjarjen ka nisur edhe një hetim ndërsa guvernatori i shtetit të Nju Jorkut, Andrew Cuomo, e quajti të pajustifikuar dhe të turpshëm.

Në pamjet filmike, protestuesi shfaqet përballë efektivëve të policisë të cilët ndërsa përparojnë e shtyjnë duke e hedhur në tokë. Koka e tij përplaset me trotuarin e ndërsa ai qëndron i shtrirë dhe i gjakosur, ata e lënë aty dhe vazhdojnë rrugën.

I moshuari, Martin Gugino, ndodhet i shtruar në spital në gjendje të rëndë. Avokati i tij tha se ai ishte thjesht një protestues paqësor, i njohur në komunitet për aktivizimin në shoqërinë civile./Opinion.al

Pas