Marrëdhënia mes dy aleatëve kryesor në qeverisje, Rama dhe Meta, mbrëmjen e sotme, është shndërruar në mollë sherri mes dy të ftuarve në studion e emisionit Opinion.
Analisti Lorenc Vangjeli është përplasur me kryeredaktorin e gazetës “Panorama”, Robert Rakipllarin.
Përgjatë fjalës së tij, Rakipllari ka shpjeguar marrëdhënien konfliktuale të dy aleatëve kryesor në qeverisje me një krahasim të marrë shumë vite më parë brenda të majtës, ndodhur në qytetin e Beratit.
Ai tha se Rama dhe Meta që të mos ndahen, debati i tyre, i ngjan pak a shumë, një niveli pak më të lartë se fjala e socialistes së Beratit.
Ka mjaftuar kjo batutë, që ai të ndërpritej nga analisti Lorenc Vangjeli.
Pasi e dëgjoi në heshtje, Vangjeli i është drejtuar Rakipllarit me fjalët: kur bën ironi edhe Berti… Ti me logjikën ke atë lidhje që ka sharra e drurit me muzikën klasike.
Rakipllari: Ti je budalla o burr, ti je idiot…
Më pas, debati u ndërpre nga drejtuesi i emisionit Blendi Fevziu, për të rifilluar veçse pak minuta më vonë.
Shiko videon:
