Ka mbërritur në Gjykatën e Posaçme, ish-kryeprokurori, Adriatik Llalla. Ai është marrë i pandehur për akuzën e fshehjes së pasurisë dhe deklarimit të rremë. Ish-kryeprokurori i Përgjithshëm Adriatik Llalla është paraqitur këtë të premte për herë të parë në seancë.
Siç shihet në video, Llalla hyn brenda ambienteve të SPAK, roja tek dera e përshëndet në mënyrë simbolike, ndërsa të pranishëm para dyerve të gjykatës vihen re edhe shumë gazetarë të cilëve Llala refuzon t’iu japë deklaratë.
Prokuroria e Posaçme Kundër Korrupsionit dhe Krimit të Organizuar ka kërkuar 2 vite burg për Llallën, i cili akuzohet për veprën penale të “deklarimit të rremë të pasurisë”. Por për shkak të gjykimit të shkurtuar, atij i ulet 1/3 e dënimit çka do të thotë se SPAK kërkon 1 vit e 4 muaj burg.
Prokuroria ka kërkuar edhe dënim plotësues, që për 5 vite Adriatik Llalla të mos ushtrojë asnjë funksion publik./Opinion.al
