Një industri e mirëfilltë për përpunimin dhe transportimin e hashashit ishte ngritur në Fier. Policia njoftoi sot se ka zbuluar një punishte gjigande dhe një skaf 12 metra të gjatë.
“Në bazë të informacioneve të mara në rrugë operative, në fshatin Mbrostar, Fier, në tokat në pronësi të shtetasit Vladimir Çilotaj (Shpërdheja) u konstatua një laborator i dyshuar për kultivim të bimëve narkotike”, bëri të ditur policia e shtetit.
Magazina ka një sipërfaqe prej 480 metra katror dhe brenda saj ishte montuar laboratori me një sipërfaqe prej rreth 300 metra katror. Në vijimësi të kontrolleve të ushtruara, në afërsi të fshatit Seman u gjet një mjet lundrues 12 metra i gjatë me 2 motorrë nga 250 KF.
Policia thotë se po punon për arrestimin e 50 vjecarit Shpërdheja dhe për zbardhjen e plotë të rrethanave të ngjarjes apo personave të tjerë të implikuar në këtë industri të madhe droge. /Opinion.al
