Dasma e një çifti në lagjen Erenler të Sakaryas në Turqi është shkatërruar nga të ftuarit, pasi u përleshën me njëri-tjetrin.
Mësohet se nga dhuna në dasmë, janë transportuar në spital 14 persona të plagosur, ndërsa me autoambulanca në vendngjarje janë trajtuar rreth 10 persona.
U deshtën ekipet e policisë t’i ndajnë dasmorët nga përleshja e ashpër, raporton angjencia turke e lajmeve IHA.
Mësohet se sherrin e nisën dy personat që filluan një debat të ashpër mes tyre. Debati i ashpër hapi rrugën përleshjes, vendi u shndërrua në një zonë lufte në një çast. Përleshja në të cilën fluturonin karriget ka vazhduar edhe jashtë sallës së dasmave.
