Sulmuesi i Vllaznisë Xhevahir Sukaj, ka shënuar një supergol sot në ndeshjen me Lushnjën, e vlefshme për Kampionatin Kombëtar të Futbollit. Sukaj ka shënuar nga 60 metra largësi, duke lënë të shtangur portierin mik që nuk e priste një gjuajtje nga aq larg, pothuaj nga mesi i fushës. Ndeshja përfundoi 4-0 në favor të Vllaznisë. Me të drejtë goli i Sukajt është krahasuar me golin që shënoi Ibrahimovic disa ditë më parë në kampionatin amerikan të futbollit. Madje për specialistët goli i Sukaj është edhe më bukur. Vetë Sukaj tha pas golit se : “Kur pashë që portieri kishte dalë, e godita topin. Isha duke rënë në tokë, por godita, pasi pashë portierin. Janë disa momente gjatë lojës, që të favorizojnë dhe të ndihmojnë. Jo se është ndonjë gjë e madhe. Goli më i bukur i karrierës? Nuk e di. Të them të drejtën, kam shënuar 2-3 herë të tjera gola të bukur. Jo nga kjo distancë. Mbaj mend golin kundër Al Hilalit në Kupën e Azisë. Nuk e di, edhe këto janë gola të bukur, por nuk e di a ishte më i bukuri.
Edhe Ibrahimovic ka shënuar nga kjo largësi? E kam parë golin e Ibrës. Ky i imi u shënua më larg (qesh).”
