Mediat greke kanë publikuar pamje të përplasjes me armë që ndodhi mbrëmjen e së shtunës në një furrë buke në Vuola të Athinës, ku dy prej 3 të plagosurve raportohet të kenë qenë shqiptarë.
Në video janë fiksuar momentet menjëherë pas përplasjes mes dy grupeve të personave jashtë furrës.
Në video shihen njerëz që po ikin dhe sipas përllogaritjeve bëhet fjalë për kalimtarë dhe klientë të furrës që patën fatin e keq të ndodheshin aty kur nisën të shtënat. Informacionet thonë se në momentin e përplasjes ka pasur edhe fëmijë, të cilët vrapuan të frikësuar për të shpëtuar.
Mirëpo, nuk përjashtohet që në mesin e personave që shihen duke vrapuar të jenë edhe autorët e përplasjes, ndaj kjo video, por edhe materiale të tjera pamore nga vendi i ngjarjes, do të jenë objekt hetimi nga policia.
Ngjarja ka ndodhur jashtë një furre në kryqëzimin e rrugëve Ermou dhe Proodou në Voula, kur një grup personash janë përplasur me një grup kundërshtar që ka dalë në vendngjarje.
Gjatë përleshjes janë dëgjuar të shtëna. Tre persona kanë mbetur të plagosur nga ngjarja. Njëri ka plagë në gjoks dhe tjetri në bark, ndërsa sipas informacioneve i treti ka plagë me thikë.
Policia e cila ka shkuar në vendngjarje ku ka gjetur një thikë, ndërsa në zonën përreth po hetohet për kapjen e autorëve. Dëshmitarët okularë raportuan se në ngjarje janë përfshirë katër persona të cilët janë grindur në furrë dhe më pas njëri prej tyre ka nxjerrë armën dhe ka qëlluar./Opinion.al
