Dy aksidente janë regjistruar brenda pak minutash në Bulqizë. Mësohet se aksidentet kanë ndodhur në zonën e quajtur “Pishat”, ndërsa shkak i tyre ka qenë prezenca e akullit në rrugë.
Raportohet se një makinë fuoristradë dhe një tjetër i tipit “Suzuki” kanë dalë nga rruga.
Ndërsa është bërë me dije se nga aksidentet nuk ka pasur persona të lënduar, por vetëm dëme materiale.
Kujtojmë se rreth 2 orë më parë një aksident me vdekje u regjistrua në aksin Peshkopi-Maqellarë, ku një automjet doli nga rruga e për pasojë 1 humbi jetën dhe 3 të tjerë mbetën të lënduar./Opinion.al
