Bota

Video/ Dhunë dhe heqje thonjsh, tortura me emigrantët në kufirin kroat


Bëhu pjesë e Grupit Zyrtar të Opinion.al
>> KËTU <<
               Publikuar në : 21:54 - 20/11/20 |
el ida

“Prej vitesh azilkërkuesit janë dhunuar dhe abuzuar në kufirin kroat nga policia, duke raportuar në disa raste edhe goditje, shok elektrik e madje edhe heqje të thonjve. Për të parën herë, videoja e kombinuar me rrëfimet për DER SPIEGEL konfirmojnë rapotimet”. Kështu e nis artikullin e saj dy ditë më parë gazeta e njohur gjermane, e cila i kushton një sesion të gjatë këtij fenomeni, ndërsa kreu disa muaj investigime në bashkëpunim me Lighthouse Reports dhe përshkoi rrugën e emigrantit Ibrahim (emri i tij u ndryshua) dhe pjesërisht konfirmoi pretendimet e tij.

***

Ibrahim, një i ri nga Pakistani  u nis nga Kashmiri 2 vite më parë për të arritur në Europë. Por në një ditë të ftohtë Marsi, policia kroate e nxori nga makina ku udhëtonte ai bashkë me emigrantë të tjerë. Ibrahimi tregon se shumë forca policia ndodheshin jashtë dhe të gjithë i kishin të fshehura fytyrat e tyre.

Ai tha se i detyruan të hiqnin xhaketat, këpucët dhe pantallonat. Njëri prej burrave të maskuar e kapi për qafe Ibrahimin dhe e tërhoqi zvarrë drejt lumit. Ibrahimi tregoi se si të tjerët e rrahën në shpinë, këmbë dhe duar.

“Ata më rrahën si të çmendur“, tha Ibrahim. Rrahja, zgjati disa minuta, por dukej si një përjetësi.

Tre persona të tjerë që u përpoqën të kalonin kufirin me Ibrahimin thanë se ishin rrahur me një shufër metalike dhe një rrip.

Njerëzit e maskuar më pas e shtynë Ibrahimin drejt lumit Glina, i cili është kufiri natyror me Bosnjë Hercegovinën. Ata ishin të vendosur në zonën e fshatit Poljana, ku lumi është vetëm disa metra i gjerë.

“Kërce shpejt”, i tha një burrë i maskuar në anglisht, duke shtuar: “Kthehu në Bosnjë”.

“Unë kurrë nuk kam qenë kaq i frikësuar në jetën time,” tha Ibrahim.

 

Të dhënat e ruajtura në llogaritë Google Maps të emigrantëve të intervistuar nga reporterët vërtetojnë këto deklarata. Dhe pamjet nga telefoni celular i vërtetojnë edhe më shumë. Një prej tyre tha se pamjet ekzistonin vetëm sepse ai arriti të fshihte celularin e tij në të brendshme. Këto imazhe tregojnë se Ibrahim qëndron në anën boshnjake të lumit me pantallona dhe pa këpucë.

 

 

Videoja tregon Ibrahimin që qan dhe burra të veshur me uniforma në anën tjetër të lumit.

“Ndiej dhimbje të tmerrshme në këmbë”, thotë ai. Një tjetër emigrant, i veshur me rroba të errëta dhe që nuk ka këpucë, po e mban atë.

Në anën kroate të kufirit, mund të shihen katër burra të veshur me rroba të njëjta, me uniformën blu dhe jeshile. Ju mund të shihni se si ata kanë vendosur maska ​​të zeza.

Burrat me kapuç më pas drejtojnë një grup tjetër njerëzish drejt lumit. Njëri nga emigrantët rrihet me një shkop. Pastaj ata ndjekin njëri-tjetrin në drejtim të kufirit.

Metadata tregon se videoja është regjistruar më 23 mars. Objektet në sfond konfirmojnë që ngjarja ndodhi afër fshatit Poljana. Burrat e maskuar nuk mund të identifikohen qartë. Por prania e tyre pranë kufirit sugjeron që ata janë pjesë e forcave të sigurimit të Kroacisë.

Der Spiegel shkruan se nuk ka gjasa që njerëzit e maskuar të kenë vepruar të pavarur pa dijeninë e autoriteteve në mes të ditës.

“Disa nga uniformat që shihen në video janë një ndërthurje e uniformave të ndryshme,” tha Ranko Ostojic, një ish-ministër i Brendshëm për Der Spiegel. Ai shtoi se dyshon se këta janë oficerë policie në pension, të cilët tani janë pjesë e forcave rezervë.

“Ata janë të lejuar të mbajnë uniformat e tyre dhe tani me sa duket po kryejnë kthime mbrapa”, tha ai, duke shtuar se ishte i bindur që qeveria kroate i toleron.

Pas