Emisioni “Opinion” është ndalur këtë të mërkurë në qytetin e Shkodrës, një ndër më të vjetrit në Shqipëri dhe me gjurmë të shumta të historisë.
Gazetari Blendi Fevziu ka vizituar gjithashtu edhe Muzeun e Kujtesës, i ngritur në ish-degën e brendshme të qytetit gjatë regjimit komunist.
Ishte pikërisht ky vend, ku dikur janë mbajtur, janë pyetur dhe torturuar At Zef Pllumi, Marie Tuci dhe figura të tjera të njohura që kundërshtuan regjimin komunist.
Brenda qelive të errëta, pa ajër dhe dritë, në më pak se 4 metër katrorë qëndronin të mbyllur deri në 10 persona./Opinion.al
