Aktualitet

Video/Berisha hap kanalin në “TikTok”: Teknologjia ka qenë gjithnjë pasioni im



Bëhu pjesë e Grupit Zyrtar të Opinion.al
>> KËTU <<
               Publikuar në : 14:46 - 13/10/22 |
Opi Nion

Kreu i Partisë Demokratike, Sali Berisha i është bashkuar së fundmi aplikacionit “TikTok”, duke treguar edhe një herë pasionin e tij për teknologjinë.

Në videon e tij të parë të shpërndarë në TikTok, Berisha  u shpreh se objektivi kryesor i PD-së është krijimi i mundësisë së të rinjve në fushën e teknologjisë. Sipas tij të rinjtë mund ta shndërrojnë Shqipërinë në një Silicon Valley  të Europës dekadën që vjen.

“Mirëdita!

Një përshendetje të përzemërt nga kanali im zyrtar në Tik Tok. Jam entuziast që sot filloj me ju një dialog nëpërmjet këtij kanali me një përparim të shpejtë.

Ka qenë një pasion dhe mbetet gjithnjë, teknologjia. Sot ne jemi në prag të një revolucioni të paparë, të internet 3, kriptoteknologjsë, inteligjencës artificiale.

Sot të rinjtë shqiptarë shkëlqejnë në portën e Apple dhe kompanive të tjera të mëdha të HighTech.

Ndërsa këtu, ai tjetri thotë se punë ka, por profesionista nuk ka. E vërteta është tjetër. Këtu profesionistë ka, por lidership nuk ka.

Ndaj dhe Partia Demokratike përcaktoi objektiv kryesor të programit të saj, vendosjen pikërisht të këtyre sektorëve si promotorë, apo në zemër të ekonomisë shqiptare. Me besimin më të madh se ju, të rinjtë e vendit, do ta çoni përpara këtë revolucion. Me mendjen dhe energjitë tuaja mund ta shndëroni Shqipërinë në një Silicon Valley  të Europës dekadën që vjen.

Për realizimin e kësaj ne kemi një sfidë dhe kjo sfidë është largimi i kësaj qeverie, e cila në vend që të krijojë të gjitha kushtet për ju, preferon t’ju përzërë nga vendi juaj. Ushqen popullatën me një propagandëqë ju kurrë nuk e besoni.

Ndaj dhe ju ftoj, le të bashkohemi me focat tona për të shpëtuar Shqipërinë nga ky rrezik i madh dhe për të krijuar për ju, këtu në Shqipëri, të gjitha mundësitë që ju të ndryshoni kombin dhe vendin tuaj. Faleminderit”, shprehet Berisha./Opinion.al

@prof.dr.saliberisha Mirëdita, një përshëndetje të përzemërt nga kanali im zyrtar #TikTok #sb #partiademokratike#saliberisha#pdsh ♬ original sound – Sali Berisha

Pas