Një 34 vjeçar është arrestuar në Shkodër duke lëvizuar me armë zjarri me vete. Efektivët e Forcave të Posaçme “Shqiponjat”, në lagjen “Liria”, Shkodër, kanë konstatuar një automjet që kryente lëvizje të dyshimta, është vënë në ndjekje dhe kanë bërë të mundur ndalimin e drejtuesit dhe bllokimin e makinës.
Gjatë kontrollit në automjet, shërbimet e Policisë kanë gjetur dhe sekuestruar në cilësinë e provës materiale një armë zjarri pistoletë me një krehër me fishekë si dhe arrestuan në flagrancë 34-vjeçarin Fatjon Guri.
Njoftimi i policisë
Qarkullonte me armë zjarri me vete, lokalizohet dhe arrestohet nga Policia.
Sekuestrohen një armë zjarri pistoletë dhe municion luftarak.
Në zbatim të planit të masave për kapjen e personave që qarkullojnë me armë zjarri me vete, si rezultat i kontrolleve të befasishme të zhvilluara nga Forca e Posaçme “Shqiponjat”, u kap dhe u arrestua në flagrancë shtetasi F. G., 34 vjeç, banues në fshatin Bleran, Shkodër.
Gjatë patrullimit në lagjen “Liria”, Shkodër, shërbimet e Policisë pasi kanë konstatuar një automjet që kryente lëvizje të dyshimta, janë vënë në ndjekje dhe kanë bërë të mundur ndalimin e drejtuesit dhe bllokimin e automjetit.
Gjatë kontrollit në automjet, shërbimet e Policisë kanë gjetur dhe sekuestruar në cilësinë e provës materiale një armë zjarri pistoletë me një krehër me fishekë.
Materialet iu referuan Prokurorisë së Rrethit Gjyqësor Shkodër, për veprën penale “Mbajtja pa leje e armëve dhe municionit”.
