Kreu i Partisë Demokratike, Lulzim Basha, deklaroi se opozita nuk tërhiqet nga kushti i saj për qeveri teknike. Deklarata u bë pas drekës së punës që Basha pati me disa ambasadorë të vendeve të BE-së në Tiranë. “Diskutuam për gjendjen politike në vend dhe bashkë me përfaqësuesit e tjerë opozitarë bëmë të qartë vendimin tonë për të mos u tërhequr nga beteja qytetare dhe popullore për zgjedhje të lira dhe të ndershme deri në realizimin e kushtit të vetëm të opozitës që është një qeveri teknike me vullnet të gjerë politik për të garantuar zgjedhje të lira dhe të ndershme”, u shpreh ai.
Por nga ana tjetër lideri i PD e cilësoi takimin të frytshëm. “Bashkëbisedimi ishte shumë i frytshëm, dashamirës, mbështetës për qëllimet europiane dhe europianizuese të qëndresës, të lëvizjes tonë popullore dhe unë, besoj edhe kryetarët e partive të tjera të koalicionit ndahemi dhe nga kjo drekë me shumë optimizëm dhe akoma me më shumë vendosmëri për ti shkuar deri në fund kauzës sonë”, tha ai.
Pyetjes lidhur me mungesën e ambasadores Vlahutin në drekë, Basha iu shmang, duke ururar gazetarët : Gezuar Diten e Veres!
*Shihni më poshtë në video, deklaratën e Bashës
