-Jetë dhe Stil

Video/Balena e ngordhur në Sorrento del në sipërfaqe


Bëhu pjesë e Grupit Zyrtar të Opinion.al
>> KËTU <<
               Publikuar në : 23:56 - 16/01/21 |
Opi Nion

Historia e një balene e gjetur e ngordhur në portin e Sorrentos dhe një prej këlyshëve të saj, ka vënë në pikëpyetje komunitetin shkencor në Itali. Dyshohet se mund të ketë qenë ky i fundit, i çorientuar dhe i uritur, që u filmua në një video, ndërsa lëvizte me forcë duke goditur kokën në kalatën e “Marina Grande”, në një nga zonat më të njohura turistike.

Videoja, e xhiruar me një telefon celular nga Francesco Pane një kamerier i vjetër në një nga baret më të famshëm në Sorrento, u bë më pas virale në mediat sociale. Ndërkohë, trupi i balenës është ngritur tashmë në sipërfaqe.(Ne foto)

“Hipoteza që balena e gjetur e ngordhur është nëna e këlyshit të identifikuar dhe filmuar në videon virale është më se e besueshme, gjë që do të shpjegonte edhe çorientimin e kafshës”,  thotë studiuesja Barbara Mussi, presidente e “Oceanomare Delphis”,  që këto ditë ka nisur një fushatë monitorimi në në Gjirin e Napolit.

“Ne e dimë – shton ajo – që balenat e frekuentojnë këtë zone. Presim ekzaminimet e autopsisë, duke shpresuar se gjendja e dekompozimit të kafshës do të na lejojë studimet e nevojshme”, përfundoi.

Konfirmimi që në portin e Sorrentos kishte një balenë të ngordhur erdhi me një shënim zyrtar nga Roja Bregdetare.

“Ajo që u gjet e ngrodhur pranë portit të Sorrentos, rreth 15 metra thellësi, është një balenë e zakonshme” raporton Sandro Mazzariol i Universitetit të Padovës.

“Tani autoritetet lokale – shpjegon Mazzariol – po përpiqen të kuptojnë se si të menaxhojnë kufomat e kafshës për një ekzaminim të mundshëm të autopsisë që do të jetë në gjendje të konstatojë shkaqet e vdekjes. Por nuk është e lehtë: gjitari peshon rreth 35-38 kuintalë”.

Eksperti më pas komenton mbi imazhet e videos në të cilën shihet përsëri në portin e Sorrento, një balenë që tundet nën sytë e mahnitur të kalimtarëve.

“Unë tashmë kisha vërejtur sjellje të ngjashme në raste të tjera, në të cilat disa ekzemplarë kanë ngecur në shpella ose limane. Në ato raste, shkaku i kësaj lëvizjeje mund t’i atribuohet një virusi të ngjashëm me fruthin që prek këta gjitarë të mëdhenj dhe që, në Mesdhe, ka qarkulluar që nga fundi i viteve 1980. Është një problem që prek të 8 speciet e këtyre gjitarëve në Mesdhe dhe që ka krijuar probleme serioze. Në vitin 2019,  midis majit dhe korrikut në Mesdhe (ku jetojnë një mijë nga këto ekzemplarë) 26 vdiqën nga virusi”.

Në rast se, ajo në video ishte foshnja e balenës që u gjet e ngordhur, (rast që Profesor Mazzariol tenton ta përjashtojë),  sjellja e tij konvulsive mund të ishte diktuar nga çorientimi dhe vështirësia në të ushqyer. Ndërkohë këlyshi që shfaqet në video është ende në kërkim/Opinion.al

Pas