9 mijë e 803 vjet burgim është dënuar një Adnan Oktar, predikues në Turqi. Ky dënim i “padgjuar” më parë është dhënë për shkak të një serie akuzash që rëndojnë mbi imamin. Gjyqi për Oktar zgjati gjithsej 15 muaj dhe 450 ditë, ndërsa u zhvilluan rreth 180 seanca dëgjimore.
68-vjeçari njihej për mënyrën e çuditshme të predikimit të tij duke u rrethuar nga një numër i madh vajzash me dekolte dhe minifunde. Mediat e cilësojnë atë edhe si kreun e një kulti seksi nisur edhe nga qasja që kishte me vajzat, të cilat kishin kaluar të gjitha përmes operacionesh plastike.
Oktar i quante ato “kotele”, ndërsa ato i thërrisnin mësues. Videot e Oktar kanë qenë të njohura prej vitesh në Turqi, por sëfundmi u arrestua me akuza të shumta siç janë armëmbajtja pa leje, krimet seksuale.
Konkretish disa nga akuzat mbi Oktar janë; ‘krijimi dhe menaxhimi i organizatave me qëllim të kryerjes së krimeve,’ spiunazh politik ose ushtarak ‘,’ Ndihma për organizatën pa qenë anëtar i organizatës terroriste të armatosur FETÖ, ‘7 herë abuzim seksual i kualifikuar i fëmijëve’, ’27 herë abuzim seksual i kualifikuar’, “privimit të lirisë”, “persekutimit”, “parandalimit të së drejtës për arsim”, “regjistrimit të paligjshëm të të dhënave personale” dhe “kërcënimit”.
