Aktori i famshëm, Arnold Schwarzenegger ka dërguar një mesazh në rrjetet sociale për pushtimin e Ukrainës nga Rusia.
Në një video 9 minutëshe të postuar në llogarinë e tij në “Twitter”, aktori dhe ish-guvernatori i Kalifornisë, vuri në dukje historinë e tij me Rusinë dhe tha se “forca dhe zemra e popullit rus” gjithmonë e ka frymëzuar.
“Kjo nuk është një luftë për të mbrojtur Rusinë për të cilën luftuan gjyshërit dhe stërgjyshërit tuaj. Kjo është një luftë e paligjshme”,-u tha Schwarzenegger ushtarëve rusë.
Ndërsa duke iu drejtuar Putinit, ai tha: “Ti e nise këtë luftë. Ti po e drejton këtë luftë. Ti mund ta ndalësh këtë luftë!”./Opinion.al
I love the Russian people. That is why I have to tell you the truth. Please watch and share. pic.twitter.com/6gyVRhgpFV
— Arnold (@Schwarzenegger) March 17, 2022
