Policia amerikane ka arrestuar një 17-vjeçar, Kyle Rittenhouse i cili akuzohet për vrasjen e 2 protestuesve dhe plagosjen e dy të tjerëve mesnatën e të mërkurës në Kenosha.
Në rrjetet sociale kanë qarkulluar video të momente kur ai qëllon me automatik mes turmës, gjatë manifestimeve të dhunshme anti-racizëm, pas plagosjes nga policia të afro-amerikanit Jacob Blake.
Rittenhouse u ndalua natën e të mërkurës në shtëpinë e tij në Illinios, në një qytezë fare pranë kufirit me shtetin federal të Wisconsin-it. Pas ngjarjes, ai ishte rikthyer në shtëpi i qetë.
Mësohet se ai ishte pjesë e një grupi racistësh të armatosur, të cilët kishin dalë vullnetarisht për të mbrojtur rendin publik dhe bizneset nga turmat e plaçkitësve, që shfrytëzonin kaosin e krijuar nga protestat.
Në të tjera video, Rittenhouse shfaqet po atë natë para se të qëllonte ndaj protestuesve duke qëndruar pranë një dyqani për shitjen e makinave, duke pretenduar se po bënte roje./Opinion.al
