Teksa venezuelasit janë të uritur, qeveria e tyre mban zgjedhje të gjera
Presidenti i venezuelës Nikolas Maduro, është rizgjedhur të udhëheq vendin për një tjetër mandat gjashtëvjeçar gjatë zgjedhjeve të zhvilluara dje, që u bojkotuan nga opozita dhe për të cilat pretendohet se ka patur manipulim të votave.
Me 90 përqind të votave të numëruara, rezulton se Maduro ka fituar 67.7 përqind ose 5.8 milionë vota. Ndërsa kandidati kryesor opozitar Henri Falkon, i cili kandidoi pavarësisht bojkotit opozitar, ka fituar vetëm 21.2 përqind ose 1.8 milion të votave. – Më nënvlerësuan, – u tha Maduro mbështetësve jashtë pallatit presidencial në Karakas, ku fitorja e tij po festohej me fishekzjarre.
Rezultati i votimeve u kundërshtua nga rivali Henri Falkon. – Nuk e njohim këtë proces elektoral si të vlefshëm. Duhet të zhvillojmë zgjedhje të reja në Venezuelë, – tha ai.
Pak më herët, Henri Falcon denoncoi mungesën e legjitimitetit të këtij procesi zgjedhor dhe kërkoi mbajtjen e zgjedhjeve të reja para fundit të vitit.
‘’Nuk do të njohim këtë proces zgjedhor, për ne nuk ka patur zgjedhje. Një proces i ri zgjedhor duhet të organizohet në Venezuelë”, u shpreh ai gjatë një konference shtypi, duke akuzuar qeverisë se ka ushtruar presion ndaj zgjedhësve.
Zyrtarët qeveritarë u shprehën se votimi ishte i lirë dhe i ndershëm, por pjesa më e madhe e opozitës bojkotoi. Ndërkohë, administrata e Presidentit amerikan Donald Tramp u shpreh se nuk do ta njihte rezultatit. Para votimit, Misioni i SHBA-ve në Kombet e Bashkuara u shpreh në tuiter se procesi ishte një fyerje që i bëhej demokracisë.
***
Por nëse Venezuela do ishte një demokraci, kërkesa e Presidentit Nicolás Maduro për të fituar rizgjedhjen e tij padyshim do të dështonte. Ai drejton një regjim prej 19 vitesh. Politikat ekonomike të tij e kanë bërë jetën të vështirë për shumicën e qytetarëve atje.
Ushqimi është në mungesë për shumicën e tyre dhe gati 90% e venezuelanëve thonë se nuk kanë para të mjaftueshme për të ngrënë siç duhet. Tkurrja e ekonomisë është më e madhja në historinë e Amerikës Latine. Çmimet po dyfishohen gati çdo muaj. Të paktën një milion njerëz janë larguar nga vendi në katër vitet e fundit.
Maduro foli për marrjen e 12 milion votave, madje më shumë se Hugo Chavez, themeluesi karizmatik i revolucionit bolivarian të Venezuelës, i cili vdiq në vitin 2013.
Regjimi ka arrestuar udhëheqësit më të shquar të opozitës ose i ka ndaluar nga politika. Të tjerët janë në mërgim, duke lënë udhëheqësin opozitar të demoralizuar. Në Venezuelë mungon shpresa që prej vitit të kaluar, ku protestuan kundër regjimit dhe të paktën 163 vetë vdiqën.
Maduro dha sërish ushqim në këmbim të votave. “Kushdo që shkon të votojë me kartën e identitetit të tij do të marrë një çmim të madh nga vendi (qeveria), sepse ne japim dhe vetëm japim,” tha ai më 14 maj./përshtatur për opinion.al-theeconomist
